I hob zwoa an Hawara
Oba des is ka Kiebara
Des is ma a vü liebara
Jå echt
Weu wånn I dann vü kiffad
Und ea mi ned im Griff hat
Und I ned auf eam hear'n dad
Des war' schlecht

I brauch' kan Whiskey und ka Bier
A Graserl is vü liaba mia
Schon zweg'n da Menstruation
Wos wiss'n denn die Männa schon
Es is vua oim a Medizin
Vabiet'n måcht då går kan Sinn
A Reg'l waa zum Ändan da
Wånn's scho von Anfang deppad woa

[Refrain]
Hobt's es jetzt begriff'n
I dur kiffn, I dur kiffn
Und I tua mi goa ned schämen
Und I loss' ma’s a ned nehmen

Der Alkohol is nix für mich
Weil ich werd' peinlich, sicherlich
Wann i mi vua olle übagib
Das ist nicht lieb
Kumm' direkt von da Euphorie
In die Suderanten-Lethargie
Am Schluss bleibt nur die Aggression
Des kenn' ma schon

Der Alkohol ist kein Problem
Der finanziert uns das System
Weil Unfallfahrer, Messerstecher
San nua b'soff'n, ned Vabrecha
Weu Frauen hau'n und Nåchbarstreit
San ganz normal in uns'ra Zeit
Wie kumma dazua, dass mia was ändan
Damma hoid a bissal gendern

[Refrain]
Hobt's es jetzt begriff'n
I dur kiffn, I dur kiffn
Und I tua mi goa ned schämen
Und I loss' ma’s a ned nehmen

Den Stress vagess'n war' des Zü
Oba so wia i des wü
Ohne dass ma mi sekkiert
Und kriminalisiert
Ois Kiffa tua i kaan was ån
Weu i mi nimma rian kånn
Oba i hob kaan Schäd'l in da Früh
So gut wie nie

I brauch' ka Psychopharmakum
Des nimmt ma ois und måcht mi dumm
I schau' ma d’Wöd gern kritisch ån
Was die Obrigkeit ned brauch'n kånn
Drum tuans es a ned legalisier'n
Weu sich die Leit' d'rauf vü mea g'spian
Und das wird dann vielleicht das End
Von unsarem Establishment

[Refrain]
Hobt's es jetzt begriff'n
I dur kiffn, I dur kiffn
Und I tua mi goa ned schämen
Und I loss' ma’s a ned nehmen

Und mir is ganz egal, wohin wir da dann kämen